کراچی (اسٹاف رپورٹر) ایم کیو ایم بحالی کمیٹی کے سربراہ ڈاکٹر فاروق ستار نے سابق ایم این اے علی رضا عابدی کی پہلی برسی کے موقع پر امام بارگاہ یثرب میں فاتحہ و مجلس میں شرکت اور دعائے مغفرت کی۔ اس موقع پر انہوں نے علی رضا عابدی کے والد اور دیگر اہل خانہ سے بھی ملاقات کی اور علی رضا عابدی کے بلند درجات کی دعا کی۔ ڈاکٹر فاروق ستار نے حکومت سے علی رضا عابدی کے ساتھ انصاف کی اپیل کرتے ہوئے کہا کہ علی رضا عابدی کا قتل کرنے والوں نے کراچی کا مضبوط سپوت چھین لیا۔ علی رضا عابدی ایک قابل اور پڑھا لکھا نوجوان تھا اور سب سے محبت کرتا تھا۔
