اسلا م آباد: وزیر اعظم کی معاون خصوصی ڈاکٹر فردوس عاشق اعوان کا کہنا ہے کہ لٹیرالیگ قیادت غریب پاکستانیوں کو بےگھر کر کےایون فیلڈ کے پرآسائش محل میں لطف اٹھا رہے ہیں جبکہ (ن) لیگ بے گھر افراد کے بجائے لندن کی آرام دہ پناہ گاہوں پر تنقید کریں۔
وزیر اعظم کی معاون خصوصی ڈاکٹر فردوس عاشق اعوان نے اپنے ٹیوٹر پیغام میں کہا ہے کہ(ن) لیگ کے ترجمانوں کا پناہ گاہوں کو بلا جواز تنقید کا نشانہ بنانا غریب عوام سے دشمنی کا منظر پیش کرتا ہے۔
ان سخت سردیوں میں بے گھر افراد کو چھت اور کھانا فراہم کرکے ریاست اپنی ذمہ داری پوری کر رہی ہے۔ وزیراعظم عمران خان کی جانب سے بے آسرا غریب افراد کو سائباں کی دستیابی احساس کا منظر پیش کرتی ہے۔
انکا مزیدکہنا تھا کہ (ن) لیگ کے رہنما ں سردی سے ٹھٹھرتے بے گھر افراد کے بجائے لندن کی آرام دہ پناہ گاہوں پر تنقید کریں کیو نکہ نئے پاکستان کی بنیاد احساس پر رکھی گئی ہے۔