فلم کی شوٹنگ کے دوران چھٹی والے دن بھی سرکاری عملے کو ڈیوٹی پر طلب کرلیا گیا
تاریخی عمارت میں فلم کی شوٹنگ کے دوران تاریخی اشیاء کو بھی نقصان پہنچایا گیا
کراچی (اسٹاف رپورٹر ) کراچی کی تاریخی عمارت فریئر ہال میں فلم کی شوٹنگ جاری۔ ڈائریکٹر آفس کو اداکارہ مائرہ خان کے میک اپ روم میں تبدیل کر دیا گیا ہے۔ سرکاری عملے کو فریئر ہال میں رہنے کی ہدایت کی گئی ہے جبکہ سرکاری ملازمین فلم کی شوٹنگ کے لئے چھٹی والے دن بھی فریئر ہال میں موجود رہے۔ کے ایم سی کے ڈائریکٹر نے تمام ملازمین کو حاضر رہنے کی ہدایت کی ہے۔ میئر کراچی خود بھی گذشتہ شب شوٹنگ دیکھنے اور اداکاروں سے ملاقات کرنے آئے تھے۔ ذرائع کے مطابق تاریخی عمارت میں شوٹنگ کے دوران تاریخی اشیا کو تہس نہس کردیا گیا ہے۔