اقوام متحدہ کے سیکرٹری جنرل انتونیو گوتریس نے سال نو کے حوالے سے ایک خصوصی وڈیو پیغام میں کہا ہے کہ دنیا غیر یقینی اور عدم تحفظ کی فضا میں سال 2020 ء میں داخل ہو رہی ہے،ایسی صورتحال میں نوجوان امید کی کرن اور عظیم سرمایہ ہیں، اقوام متحدہ ایک بہتر مستقبل کی تشکیل میں نوجوانوں کے شانہ بشانہ کھڑی ہے۔ دنیا بھر کے نوجوانوں کو خراج تحسین پیش کرتے ہوئے سیکرٹری جنرل نے موسمیاتی تبدیلی ، صنفی مساوات ، انسانی حقوق کے تحفظ اور سماجی انصاف جیسے امور میں نوجوانوں کے کردار کو بھرپور سراہا۔
