صوبائی اور بلدیاتی حکومتیں بیان بازی پر کم اور عوامی مسائل حل کرنے پر زیادہ توجہ دیں گی
کراچی (اسٹاف رپورٹر) پاک سر زمین پارٹی کے چیئرمین سید مصطفی کمال نے تمام اہل وطن کو نئے سال کی مبارک باد دی ہے۔ خصوصی پیغام میں سید مصطفی کمال نے کہا کہ ان شاء اللہ 2020پاکستان کے لیے حقیقی امن، ترقی اور خوش حالی لائے گا۔ انہوں نے امید ظاہر کی کہ نئے سال میں مرکزی، صوبائی اور بلدیاتی حکومتیں بیان بازی پر کم اور عوام کے مسائل حل کرنے پر زیادہ توجہ دیں گی، ہر شعبے میں بگاڑ ہے مگر بھرپور محنت سے معاملات درست کیے جا سکتے ہیں، تعلیم و صحت عامہ کا حال سب سے برا ہے۔