حیدرآباد(کلچرل ڈیسک )معروف ٹی وی اینکراور The Aesthetics Clinicکی چیئرپرسن ڈاکٹرشائستہ لودھی نے کہا ہے کہ اللہ تعالی نے ہر شخص کو خوبصورت پیدا کیا ہے مگرخواتین چونکہ ایک حساس دل رکھتی ہیں اس لئے خوبصورتی ان کی کمزوری ہے اور خوبصورت نظرآنا ان کا حق بھی ہے جوکہ قدرت نے ان کوعطاکیا ہے۔ شائستہ لودھی نے کہا کہ اب پاکستانی خواتین کو اپنے نسوانی حسن کومزید نکھارنے کے لئے بیرون ملک جانے کی ضرورت نہیں، انہوں نے کہا کہ آج پاکستانی خواتین ہرمیدان میں اپنے ملک کا نام روشن کررہی ہیں، ان کی صلاحیتوں کا اعتراف دنیاکررہی ہے، اب معاشرے کو بھی اس حوالے سے اپنی سوچ تبدیل کرنا ہوگی اب دنیا گلوبل ویلیج کے بعد ڈیجیٹل ہوگئی ہے۔