گفٹ سکیم کے تحت بھجوائی گاڑیوں کو ریلیف دینے کیلئے ایس آراو میں ترمیم جاری
اوورسیز پاکستانی گاڑی کی قیمت میں اضافہ ہونے پر روپوں میں ادائیگی کرسکیں گے
اسلام آباد(مانیٹرنگ ڈیسک)کراچی پورٹ پر پھنسی سینکڑوں گاڑیوں کوکلیئر کرنے کی راہ ہموارہوگئی، گفٹ سکیم کی سہولت کے تحت منگوائی جانے والی گاڑیوں کو ریلیف دینے کیلئے وزارت تجارت نے مجوزہ ایس آراو میں ترمیم جاری کردی۔ ترمیم شدہ ایس آر او کے تحت بیرون ملک مقیم پاکستانی اب گفٹ سکیم کے تحت بھجوائی جانے والی گاڑیوں پر روپے کی قدر گرنے یا ٹیکسز کی وجہ سے گاڑی کی قیمت میں اضافہ ہونے پر روپوں میں ادائیگی کرسکیں گے اور درآمد کنند گان کو روپوں میں شارٹ فال کو پورا کرنے کی اجازت ہوگی۔