ایڈیلیڈ انٹرنیشنل اوپن ٹینس مینز سنگلز، ثام قیوری کا فاتحانہ آغاز

ایڈیلیڈ (جسارت نیوز) امریکا کے نامور ٹینس ا سٹار ثام قیوری ایڈیلیڈ انٹرنیشنل اوپن ٹینس ٹورنامنٹ مینز سنگلز میں فاتحانہ آغاز کرتے ہوئے دوسرے رائونڈ میں پہنچ گئے۔ پیر کو آسٹریلیا میں شروع ہونے والے ایڈیلیڈ انٹرنیشنل اوپن ٹینس ٹورنامنٹ میں کھیلے گئے مینز سنگلز کے رائونڈ 32 میچز میں امریکا کے ثام قیوری نے فاتحانہ انداز میں آغاز کرتے ہوئے دوسرے رائونڈ کے لئے کوالیفائی کرلیا، انہوں نے ابتدائی میچ میں فرانسیسی کھلاڑی گرگوئر بیریئر کو شکست دی۔ انکی فتح کا اسکور 6-7(4-7)، 6-2 اور 7-6(7-5) تھا۔ ایک اور میچ میں برطانوی کھلاڑی ڈینیئل ایوانز نے شاندار کارکردگی کی مظاہرہ کرتے ہوئے ارجنٹائن کے جان لونڈیرو کو اسٹریٹ سیٹس میں 6-2 اور 6-4 سے ہرا کر ٹورنامنٹ سے باہر کر دیا۔