گجرات( مانیٹرنگ ڈیسک) پیپلز پارٹی کے رہنما قمر زمان کائرہ نے کہا ہے کہ وزیراعظم عمران خان نے مسئلہ کشمیر پر ایک تقریر کے سوا کچھ نہیں کیا اور اقوام متحدہ میں کی گئی تقریر بھی غلط تھی۔ گجرات میں پریس کانفرنس کرتے ہوئے انہوں نے کہا کہ شہباز شریف کو وطن واپس آنا چاہئے کیوں کہ قائد حزب اختلاف کا ملک میں ہونا ضروری ہے۔ حکومت سے لوگ ہی نہیں ان کے اتھادی بھی تنگ ہیں انہوں نے کہا کہ حکومت نے عوام کی طرح اتحادیوں سے بھی کئے گئے وعدوں سے یو ٹرن لے لیا اور متحدہ قومی موومنٹ پاکستان کے بعد اختر مینگل بھی سامنے آنیوالے ہیں۔