ملبورن( مانیٹرنگ ڈیسک) ذیابیطس کے مریضوں کیلئے اچھی خبر یہ ہے کہ ماہرین نے بہت کم خرچ اور موثر طریقے سے انسولین تیار کرنے میں کامیابی حاصل کی ہے جس کا اہم جزو انڈے کی زردی ہے۔ ملبورن میں واقع فلورے انسٹیٹیوٹ آف نیورو سائنسز اینیڈ مینٹل ہیلتھ کے ڈائریکٹر ڈاکٹر اختر حسین اور ان کے ساتھیوں نے انڈے کی زردی کے بعض اجزاء کو اس طرح بدلا ہے کہ اس سے انسولین کے ریشے بننے کا خطرہ کم ہوجاتا ہے۔ اس طریقے کو ماہرین نے مصنوعی طریقے سے انسولین کی تیاری کا نام دیا ہے۔ نئی تحقیقی سے انسولین پمپ بدلنے کی ضرورت بھی ختم ہوجائیگی اور دوا ضائع ہونے سے بھی بچ جائیگی۔