ویلنگٹن نے سپر سمیش ٹی 20 ٹورنامنٹ جیت لیا

ویلنگٹن (جسارت نیوز)ویلنگٹن نے سپر سمیش ٹی 20 ٹورنامنٹ جیت لیا، فاتح ٹیم نے فائنل میںآکلینڈ کو شکست دی، گزشتہ روز ویلنگٹن میں کھیلے گئے ٹورنامنٹ کے فائنل میں ویلنگٹن نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 168 رنز بنائے، ڈیون کونوے نے 49 رنز کی عمدہ اننگز کھیلی، مچل میک کلینگن نے 3 کھلاڑیوں کو آئوٹ کیا، آکلینڈ کی ٹیم مطلوبہ ہدف حاصل نہ کر سکی اور اس نے مقررہ 20 اوورز میں 9 وکٹوں کے نقصان پر 146 رنز بنائے، مارٹن گپٹل نے 60 رنز کی جارحانہ اننگز کھیلی تاہم وہ اپنی ٹیم کو شکست سے نہ بچا سکے، ہمیش بینٹ اور لوگان وان بیک نے 3,3 وکٹیں حاصل کیں۔