کراچی (اسٹاف رپورٹر ) شہریوں کو ایف بی آر کے نام سے جعلی ای میلز بھیجی جارہی ہیں جس کے ذریعے لاکھوں روپے ٹیکس ریفنڈ کا لالچ دے کر ای میل کو کلک کرکے کھولنے کا کہا جاتا ہے جس کے بعد کمپیوٹر، موبائل فون، کریڈٹ کارڈ بینک اکاؤنٹ،پاس ورڈ سمیت تمام ذاتی معلومات حاصل کی جارہی ہیں، ایف آئی اے سائبر کرائم معلومات ہونے کے باوجود اب تک معاملے کی تہہ تک نہیں پہنچ سکا ہے تاہم ایف آئی اے سائبر کرائم کے ذرائع کے مطابق یہ ای میل ان افراد کو بھیجی جارہی ہے جن کے لیے دو یا تین لاکھ روپے ایک بڑی رقم ہے مگر FBRکے نام سے بھیجی جانے والی اس ای میل کے اجراء کا اب تک معلوم نہیں چل سکا۔