کراچی (کلچرل رپورٹر) اداکارہ ریما خان نے مستقل طور پر پاکستان شفٹ ہونے کا ارادہ کر لیا۔ ذرائع کا کہنا ہے کہ ریما خان نے یہ فیصلہ اپنے شوہر کی مشاورت سے کیا ہے کیونکہ ڈاکٹر طارق شہاب بھی ان کے ساتھ پاکستان شفٹ ہونے کے لیے تیار ہیں۔ ڈاکٹر طارق شہاب لاہور کے نیشنل اسپتال میں کام کریں گے جبکہ ریما خان ایک بار پھر شوبز میں باقاعدگی سے کام کا ارادہ رکھتی ہیں، اس کے لیے وہ اپنے پروڈکشن ہائوس کا بھی اعلان کر چکی ہیں۔