کوئٹہ: پولیس لائن میں واقع گھر میں گیس لیکج کے دھماکے سے 2 بچے جاں بحق ہو گئے۔
تفصیلات کے مطابق کوئٹہ کے علاقے پولیس لائن کالونی میں واقع ایک گھر میں گیس لیکج کا دھماکا ہوا جس کے نتیجے میں بچوں سمیت 8 افراد زخمی ہوگئے جبکہ دھماکے سے علاقے میں خوف و ہراس پھیل گیا۔
ریسکیو اہلکار کے مطابق زخمیوں کو قریبی ہسپتال منتقل کر دیا گیا ہے جہاں 2 بچے اپنی جان کی بازی ہار گئے۔
ریسکیو حکام کا کہنا ہے کہ دھماکے میں زخمی 6 افراد کو طبی امداد فراہم کی جا رہی ہے جن میں بعض کی حالت تشویشناک ہے۔