لاہور( مانیٹرنگ ڈیسک) ملک بھر میں یوم یکجہتی کشمیر 5 فروری بدھ کو منایا جائیگا۔ اس دن کی مناسبت سے ملک بھر میں تیاریاں جاری ہیں۔ کشمیری عوام سے اظہار یکجہتی کیلئے صوبائی دارالحکومت لاہور سمیت ملک بھر کی اہم شاہراہوں پر کشمیریوں کی حالت زار اجاگر کرنے کیلئے ہورڈنگز اور بینرز لگادیئے گئے ہیں۔ تصاویر میں مقبوضہ وادی میں بھارتی مظالم کو دکھایا گیا جبکہ کشمیریوں سے اظہار یکجہتی کیلئے نعرے درج کئے گئے ہیں۔ یوم یکجہتی کشمیر کے سلسلہ میں ملک بھر میں خصوصی تقریبات کا انعقاد کیا جائیگا۔ کشمیریوں سے اظہار یکجہتی کیلئے ہاتھوں کی زنجیر بنائی جائیگی۔