سلیم اور سمرین کے گھر والے بھی اطلاع ملنے پر پہنچ گئے تھے، دونوں کو مار پیٹ کر اپنے ساتھ لے گئے
کراچی(نیوز ڈیسک) پسند کی شادی کرنے کیلئے آنے والا جوڑا اہل خانہ کے آنے کے باعث شادی نہ کرسکا اہل خانہ دونوں کو جوتے مارتے ہوئے اپنے ہمراہ واپس لے گئے پیر کو سٹی کورٹ میں صبح سویرے نوجوان جوڑا پسند کی شادی کرنے کیلئے پہنچا او ر جوڑا سلیم اور سمرین جلدی آنے کی وجہ سے سٹی کورٹ احاطہ کے باہر راجہ یاض روڈ پر فٹ پاتھ پر بیٹھ گئے اور وہ اپنے ایڈووکیٹ کاانتظار کرتے رہے اسی دوران ان کے بیٹھے ہونے کی تصدیق ہونے کے بعد کچھ ہی دیر بعد دو خواتین اور دیگر مرد افراد جوڑے سے تندتیز انداز میں بات چیت کرتے رہے اسی دوران آنے والے افراد کے ہمراہ موجود ایک خاتون نے گالم گلوچ کرتے ہوئے پائوں سے چپل اتار کر پسند کی شادی کیلئے آنیوالے جوڑے پر چپلوں کی بارش کردی۔