کراچی (اسٹاف رپورٹر) کیماڑی پی آئی سی ٹی کے باہر کلیئرنگ ایجنٹس کی درجنوں موٹر سائیکلیں گرا دی گئیں ٹریلر کی پارکنگ کے لیے جگہ خالی کروائی گئی، متاثرین کا کہنا تھا کہ ٹریفک پولیس ٹریلر ڈرائیورز سے بھاری رشوت لے کر پارکنگ فراہم کرتی ہے، بعدازاں ڈی ایس پی ٹریفک موقع پر پہنچے اور کلیئرنگ ایجنٹس سے معذرت کرلی۔ ایس ایچ او جیکسن عادل خان کے مطابق کسی متاثرہ شخص نے ٹریفک پولیس کے خلاف شکایت درج نہیں کرائی۔