اسلام آباد (اے پی پی) وزیراعظم کے ویژن کے تحت فیڈرل گورنمنٹ ایمپلائز ہائوسنگ اتھارٹی ملک کے مختلف شہروں میں 12000 اپارٹمنٹس تعمیر کرے گی۔ وفاقی ملازمین کے لیے پہلے آئیے اور پہلے پائیے کی بنیاد پر رجسٹریشن کھول دی گئی ہے۔ درخواستیں جمع کرانے کی آخری تاریخ 14 فروری ہے، فیڈرل گورنمنٹ ایمپلائز ہائوسنگ اتھارٹی کے ذرائع کے مطابق ان اپارٹمنٹس کے لیے حاضر و ریٹائرڈ وفاقی ملازمین، ان کی بیوائیں، بڑی معذوری والے ملازمین، حاضر و ریٹائرڈ خودمختار ونیم خود مختار، آئینی، پروفیشنل اداروں کے ملازمین کے علاقہ صحافی، میڈیا ورکرز، وزارت ہائوسنگ اینڈ ورکس اور اس کے ذیلی اداروں کے ملازمین درخواستیں جمع کرنے کے لیے اہل ہیں۔ اتھارٹی کی اس اسکیم کے لیے جن اراکین نے10جنوری 2020ء تک اپارٹمنٹ کے لیے رضامندی فارم جمع کرادیا ہے، ان کی سینیارٹی برقرار رہے گی۔ ذرائع کے مطابق ممبرشپ فارم معمہ ممبر شپ فیس مبلغ ایک لاکھ روپے عسکری بینک یا بینک آف پنجاب کی کسی بھی شاخ میں آخری تاریخ تک جمع کرائے جاسکتے ہیں۔
Load/Hide Comments
