سنگاکارا کی قیادت میں ایم سی سی ٹیم کے دورہ پاکستان کا شیڈول جاری

لاہور(جسارت نیوز )پاکستان کرکٹ بورڈ نے مارلی بون کرکٹ کلب کے دورہ پاکستان کے شیڈول کا اعلان کردیا ‘ ترجمان پی سی بی کے مطابق سنگاکارا کی قیادت میں ایم سی سی ٹیم کل سے 19 فروری تک لاہور میں 4 میچ کھیلے گی‘48 سال بعد پاکستان کے دورے پر آنیوالی ایم سی سی ٹیم اپنے دورے کا آغاز لاہور قلندرز کیخلاف ٹی ٹوئنٹی میچ سے کرے گی‘ دونوں ٹیموں کے درمیان میچ 14 فروری کو قذافی اسٹیڈیم لاہور میں کھیلا جائے گا ،اسی طرح 16 فروری کو مہمان ٹیم پاکستان شاہینز کے مدمقابل ہوگی اور دونوں ٹیموں کے درمیان 50 اوورز پر مشتمل میچ ایچیسن کالج میں کھیلا جائے گا‘ایم سی سی کرکٹ ٹیم 17 اور 19 فروری کو بالترتیب ناردرن اور ملتان سلطانز کے مدمقابل ہو گی، ٹی ٹوئنٹی فارمیٹ پر مشتمل دونوں میچ ایچیسن کالج میں کھیلے جائیں گے۔