لاہور: پاکستان کرکٹ بورڈ( پی سی بی ) نے عمر اکمل کے مس کنڈکٹ کے معاملے کو مِس انڈر اسٹینڈنگ کا شاخسانہ قرار دے کروارننگ جاری کردی۔
تفصیلات کے مطابق عمر اکمل کے فٹنس ٹیسٹ کے دوران مبینہ بدانتظامی کےحوالے سے پی سی بی نے اپنی کارروائی آج مکمل کرلی ہے جس میں مِس انڈر اسٹینڈنگ کا نتیجہ قرار دیا اورعمر اکمل کو وارننگ دی گئی ہے ۔
پی سی بی نے اس حوالے سے موقف دیا ہے کہ فریقین کا مؤقف جاننے کے بعد یہ امر سامنے آیا ہے کہ یہ واقعہ غلط فہمی کی وجہ سے ہوا۔
#PCB dismiss #UmarAkmal’s fitness test controversy as ‘misunderstanding’.#PAKvBAN #Cricket
P.C: Twitter pic.twitter.com/WwV6ngv142
— Cric Mindz (@CricMindz) February 12, 2020
عمر اکمل کی جانب سے واقعہ پر افسوس کا اظہار کرنے کے بعد پی سی بی نے انہیں سرزنش کرتے ہوئے بطور سینئر کرکٹر ان کی ذمہ داریوں کا احساس دلایا ہے۔
پاکستان کرکٹ بورڈ نے معاملے کو ختم کرتے ہوئے کہا ہے کہ پی سی بی اور عمر اکمل اس معاملے پر مزید کوئی تبصرہ نہیں کریں گے۔