نیب نے پروگرام منیجر عبدل خلیق شیخ کیخلاف بھی تحقیقات شروع کردیں
ہیپا ٹائٹس سے لوگ مر رہے ہیں اور ان کی تجوریاں بھری جارہی ہیں ٗ سندھ ہائیکورٹ
کراچی(اسٹاف رپورٹر) ہیپاٹائٹس کنٹرول پروگرام سندھ میں بھی کرپشن کا انکشاف‘ نیب نے پروگراممنیجر عبدالخلیق ویخ کیخلاف بھی تحقیقات شروع کردیں۔ سندھ ہائی کورٹ کے چیف جسٹس جسٹس احمد علی ایم شیخ کی سربراہی میں دو رکنی بینچ نے ہیپاٹائٹس کنٹرول پروگرام سندھ کے پروگرام منیجر عبدالخلیق شیخ کی نیب تحقیقات سے متعلق سماعت کی دوران سماعت چیف جسٹس سندھ ہائی کورٹ نے پروگرام منیجر ہیپاٹائٹس کنٹرول سندھ پر برہمی کاا ظہار کیا ان کا کہنا تھا کہ سندھ میںہیپاٹائٹس سے لوگ مررہے ہیں اور ان کی تجوریاں بھرتی جارہی ہیں۔ ہیپاٹائٹس کی ویکسین تک دستیاب نہیں ہے۔ غربت کی لکیر کیا ہوتی ہے ان کو کیا معلوم‘ نیب نے عدالت کو آگاہ کیا کہ ملزم کیخلاف انکوائری کو انویسٹی گیشن میں تبدیل کردیا ہے‘ عدالت نے ملزم کیخلاف 17 مارچ کو تحقیقاتی رپورٹ طلب کرتے ہوئے سماعت ملتوی کردی۔