جنوبی افریقہ کی کرکٹ ٹیم کے کپتان فاف ڈوپلیسی نےٹیسٹ اور ٹی ٹوئنٹی ٹیم کی کپتانی چھورنے کا اعلا ن کردیا ہے۔
35 سالہ جنوبی افریقی بلے بازفاف ڈوپلیسس نے فوٹوشیئرنگ ایپ انسٹاگرام سے جاری اپنے پیغام میں ٹیسٹ اور ٹی ٹوئنٹی ٹیم کی کپتانی چھوڑنے کا اعلا ن کردیا ہے تاہم انہوں نے کہا کہ وہ تینوں میں اپنے ملک کی نمائندگی جاری رکھیں گے۔
انہوں نےکہا کہ تینوں فارمیٹ میں جنوبی افریقن کرکٹ ٹیم کی نمائندگی اور اس کی کپتانی کرنا میرے لئے اعزاز ہے، کپتانی چھوڑنے کا فیصلہ میری زندگی کے مشکل ترین فیصلوں میں سے ایک تھا، لیکن وہ اب نئے کھلاڑیوں کو موقع دینا چاہتے ہیں ۔
انہوں نے اس عزم کا اعادہ کیا وہ جنوبی افریقہ کی نئی قیادت کے ساتھ مل کر ٹیم کی ازسر نو تشکیل میں اہم کردار ادا کریں گے۔
فاف ڈوپلیسس کی کپتانی چھوڑنے کے بعد وکٹ کیپر بیٹسمین کوئنٹن ڈی کوک کو جنوبی افریقن کرکٹ ٹیم کے کپتان بنائے جانے کا امکان ہے