قائداعظم اوپن انٹر اسکول تائیکوانڈو ، فجر اکیڈمی نے میدان مار لیا

کراچی (اسٹاف رپورٹر) قائداعظم اوپن انٹر اسکول اور انٹر کلب تائیکوانڈو چیمپئن شپ میں مجموعی پوائنٹس کے ساتھ فجر اکیڈمی نے میدان مار لیا، فاطمیہ گرلز اسکول نے دوسری جبکہ اے سی ای اسکول نے تیسری پوزیشن اپنے نام کی۔ زلفی انٹرنیشنل تائیکوانڈو اکیڈمی کے زیرِ اہتمام 26ویں قائداعظم اوپن انٹر اسکول اور انٹر کلب تائیکوانڈو چیمپئن شپ کا انعقاد سندھ اسپورٹس بورڈ میں ہوا۔ پروقار اور رنگارنگ چیمپئن شپ کا افتتاح ایڈمنسٹریٹر سندھ اسپورٹس بورڈ انجم حسین زیدی نے کیا۔ چیمپئن شپ میں کراچی کے 30سے زائد اسکولوں کے 800 سے زائد تائیکوانڈو پلیئرز نے جوش و خروش اور دلیری سے اپنے فن کا مظاہرہ کیا۔ اس دلکش چیمئن شپ میںفائٹنگ، ووڈبریکنگ اور پومزے کے ایونٹس شامل تھے۔