ڈھاکا (جسارت نیوز) بنگلا دیش اور زمبابوے کی کرکٹ ٹیموں کے درمیان واحد ٹیسٹ میچ آج سے شیر بنگلا نیشنل اسٹیڈیم، ڈھاکا میں شروع ہوگا۔ مہمان ٹیم دورہ کے دوران میزبان بنگلا دیش کے خلاف ایک ٹیسٹ میچ کے علاوہ تین ایک روزہ اور دو ٹی ٹوئنٹی انٹرنیشنل میچز میں شرکت کریگی۔ مہمان ٹیم کے کپتان شان ولیمز اپنے بچے کی پیدائش کی وجہ سے واحد ٹیسٹ میں شرکت نہیں کر سکیں گے۔ مڈل آرڈر بیٹسمین کریگ ایرواین ان کی جگہ ٹیم کی قیادت کریں گے۔ دونوں ٹیموں کے درمیان تین ون ڈے میچز کی سیریز کا پہلا میچ یکم مارچ کو کھیلا جائے گا، دوسرا ایک روزہ میچ 3 مارچ جبکہ تیسرا اور آخری ون ڈے میچ 6 مارچ کو کھیلا جائے گا۔
بنگلا دیش اور زمبابوے کے درمیان واحد ٹیسٹ میچ آج شروع ہوگا
القمر