کراچی (اسٹاف رپورٹر) ڈی جی کے ڈی اے کی ہدایت پر یونیورسٹی روڈ اور گلشن اقبال کے مختلف بلاکس میں مقررہ حدود سے تجاوز کرنے والے اور قابضین کے خلاف کارروائی کی گئی جس میں فٹ پاتھ پر قائم پتھاروں، ہوٹلز اور پختہ تعمیرات کو بھاری مشینری کے ذریعے مسمار کرکے فٹ پاتھوں کو عوام کی سہولت کے لیے صاف کر دیا گیا۔ کارروائی کے دوران مشتعل افراد کی جانب سے کے ڈی اے محکمہ انسداد تجاوزات کی ٹیم کو مزاحمت کا سامنا بھی کرنا پڑا۔
