کراچی (اسٹاف رپورٹر) صوبائی وزیر توانائی امتیاز احمد شیخ نے نیشنل اسٹیڈیم میں پی ایس ایل کے افتتاحی میچ اور ٹورنامنٹ کے آغاز کو سندھ میں امن و امان کی بہتر صورتحال کی علامت قرار دیتے ہوئے تمام شریک ٹیموں کو مبارکباد پیش کی ہے۔ جمعرات کو ایک بیان میں امتیاز شیخ نے کراچی کنگز کیلئے بالخصوص اور دیگر تمام ٹیموں اور کھلاڑیوں سے بہترین کھیل پیش کرنے کی توقعات کا اظہار کرتے ہوئے کہا کہ اس ٹورنامنٹ کے دوران شائقین کرکٹ کو بہترین کرکٹ دیکھنے کو ملے گی۔