کراچی (اسٹاف رپورٹر)مہاجر قومی موومنٹ (پاکستان) کے چیئر مین آفاق احمدنے جماعت اسلامی کے سینئر رہنما اور سابقہ سٹی ناظم کراچی نعمت اللہ خان کے انتقال پر گہر ے غم و دکھ کا اظہار کرتے ہوئے کہاکہ مرحوم بہادر، ایماندار ،سچے سیاسی رہنما تھے جنہوں نے شہرکی تعمیر و ترقی میں بنیادی کردار ادا کیا ،جبکہ انکی رحلت سے پیدا ہونے والا خلا شہر کراچی کیلئے بڑا نقصان ہے ،انہوں نے اللہ رب العزت سے دعا کی کہ مرحوم کو جوارِ رحمت میں بلند مقام جبکہ جملہ لواحقین کو صبر جمیل عطافرمائے۔
