کراچی (اسٹاف رپورٹر)صدر پی ٹی آئی کراچی و رکن سندھ اسمبلی خرم شیر زمان و جنرل سیکریٹری و رکن سندھ اسمبلی سعید آفریدی نے صوبہ سندھ میں اشیاء کی قیمتوں میں بے جا اضافے پر سخت تشویش کا اظہار کرتے ہوئے کہا کہ سندھ حکومت اشیاء کی قیمتیں قابو کرنے میں مکمل طور پر ناکام ہوچکی ہے۔سندھ حکومت کے قیمتیں کنٹرول کرنے والے چھ ادارے غیر فعال ہیں۔ان خیالات کا اظہار انصاف ہاوس سیکریٹریٹ سے جاری بیان میں کیا۔ رہنماوں نے مزید کہا کہ ادارہ بیورو آف سپلائی اینڈ پرائس کرپشن کا گڑھ بن چکا ہے۔حکومت سندھ کی ازلی نااہلی کی وجہ سے غریب عوام مشکلات کا سامنا کر رہی ہے۔ آٹا، دودھ ،چینی ،پھل اور سبزیوں سمیت دیگر اشیاء خردونوش کی قیمتیں آسمان سے باتیں کر رہی ہے۔ انہوں نے مزید کہا کہ کمشنر کراچی بھی مکمل طور پر قیمتیں کنٹرول کرنے میں ناکام ہوگئے ہیں۔