گناہوں کو چھوڑ کر عبادت کو معمول بنایا جائے
گلوکارہ نے ’’نظم‘‘سوشل میڈیا پر شیئر کردی
کراچی (نیٹ نیوز) رابی پیرزادہ نے دنیا بھر کو دہشت میں مبتلا کرنے والے جان لیوا ’’کورونا وائرس‘‘ کا آسان علاج بتایا ہے۔ رابی پیرزادہ نے گزشتہ روز ایک ویڈیو شیئر کی جس میں وہ ایک نظم پڑھتی ہوئی نظر آرہی ہیں۔ اس ویڈیو کے ساتھ انہوں نے کیپشن لکھا ’’کوروناکا نہایت آسان علاج‘‘۔ رابی پیر زادہ نظم میں کورونا کا علاج روحانی طریقے سے بتاتے ہوئے لوگوں کو نمازپڑھنے ، قرآن پاک کی تلاوت کرنے کا کہہ رہی ہیں۔ واضح رہے کہ دنیا بھر میں دہشت پھیلانے والا کورونا وائرس پاکستان میں بھی داخل ہوگیا ہے۔اس جان لیوا وائرس کے باعث خوف کی فضا قائم ہے،ایسے میں گلوکارہ کی نظم کو توجہ سے سنا جارہا ہے۔
