سرینگر میونسپل کارپوریشن انتظامیہ نے سرینگر میں اتوار کے دن لگنے والے مصروف ترین بازار سنڈے مارکیٹ کو بند کر دیا ۔
یہ قدم کورونا وائرس کے بڑھتے خدشات کے پیش نظر اٹھایا گیاہے-ساوتھ ایشین وائر کے مطابق لال چوک سرینگر کے گردونواح میں ہر اتوار کے دن لگنے والی سنڈے مارکیٹ میں لوگوں کی بہت زیادہ بھیڑ خرید و فروخت کرنے کیلئے موجود ہوتی ہے-سرینگرمیونسپل کارپوریشن کے میئرجنید عظیم متو نے سنڈے مارکیٹ کو بند کرنے کے احکامات جاری کرتے ہوئے کہا کہ اسے کورونا وائرس کے خدشات کے پیش نظر احتیاطی طور پر یہ فیصلہ کیا ہے-
انہوں نے کہا کہ چونکہ اتوار کو لگنے والے اس مارکیٹ میں حد درجہ بھیڑ جمع ہوتی ہے، مناسب نہیں ہے کہ ان حالات میں جبکہ کورونا وائرس کے پھیلاوکے خدشات بڑ رہے ہیں تو یہاں بھیڑ اکٹھی ہوجائے-ساوتھ ایشین وائر کے مطابق دو ہفتے قبل بھی سنڈے مارکیٹ کو سیکورٹی وجوہات کی بنا پر بند رکھا گیا تھا۔
سرینگر میں سنڈے مارکیٹ بند
القمر