مراد علی شاہ اور ان کے فیملی ارکان کیلئے کورونا تشخیصی کٹ کے بجائے سی بی سی ٹیسٹ کرنے کی کٹس لے آئے تھے
کراچی (اسٹاف رپورٹر) صوبائی محکمہ صحت کی بدعنوان مافیا کے اقدامات کے باعث سول اسپتال کراچی سے بغیر پیتھالوجسٹ کے وزیراعلیٰ ہائوس میں گزشتہ شب وزیراعلیٰ سندھ سید مراد علی شاہ اوران کے فیملی ممبران کے کوروناوائرس کی تشخیص کیلئے ایسا عملہ بھیجاگیا جواپنے ہمراہ کوروناوائرس کی تشخیصی کٹس لے جانے کے بجائے سی بی سی ٹیسٹ کرنے کی تشخیص کٹس لے گیا۔مذکورہ صورتحال کودیکھ کروزیراعلیٰ سندھ آپے سے باہر ہوگئے ۔وزیراعلیٰ سندھ سید مراد علی شاہ نے اپنا اوراپنی فیملی ممبران کا کورونا وائرس ٹیسٹ گزشتہ شب ہی آغا خان یونیورسٹی اسپتال میں جاکر کروایا اوراس عمل کوآف دی ریکارڈ رکھا گیا جبکہ بینظیر آباد نوابشاہ میں ایران کی زیارت سے واپس آنے والے زائرین کی بڑی تعداد میں کورونا وائرس کے ہونے کی تصدیق کی بازگشت بھی سامنے آئی ہے۔
کوروناوائرس: وزیراعلیٰ سندھ سول اسپتال کی تشخیصی ٹیم پر برہم
القمر