قیوم آباد کا ایان ٹیوشن پڑھ کر واپس گھر آرہا تھا، خونخوار آوارہ کتوں نے بھنبھوڑ ڈالا تھا
کراچی(کرائم رپورٹر) قیوم آباد میں آوارہ کتوں کے حملے میں شدید زخمی بچے سات سالہ ایان کو متعدد سرجری کے بعد نیشنل انسٹیٹیوٹ آف چلڈرن ہیلتھ میں نگہداشت کیلئے وارڈ میں داخل کرلیا گیا ہے۔ اہل خانہ کے مطابق ایان کا بڑا بھائی بھی کچھ عرصہ قبل قیوم آباد میں ہی ان خونخوار آوارہ کتوں کا نشانہ بن چکا ہے۔ایان کے والد بخت زادہ نے بتایا کہ علاقے میں کسی صدقہ خیرات کیلئے کتوں کو چھڑے ڈال دیئے تھے، کچھ بچے چھیچھڑوں کیلئے آپس میں لڑتے کتوں کو دیکھ رہے تھے اس دوران ٹیوشن پڑھ کر واپس آتے ہوئے ایان بھی ان کیساتھ کھڑا ہوگیا کہ ایک کتے نے اس پر حملہ کردیا۔اسے لہولہان حالت میں جناح اسپتال لایا گیا تھا جہاں طبی امداد کے بعد اسے جناح اسپتال میں نیشنل انسٹی ٹیوٹ آف چلڈرن ہیلتھ میں داخل کردیا گیا ہے۔
آوارہ کتوں کے حملے سے شدید زخمی بچہ آئی سی یو منتقل
القمر