کراچی(اسٹاف رپورٹر)جرمن فٹبال لیگ کا ٹائٹل لگاتار آٹھویں بار بائرن میونخ نے جیت لیا، فتح کے بعد چیمپئن ٹیم نے خالی گراؤنڈ میں جشن منایا۔ بائرن میونخ نے لگاتار آٹھویں مرتبہ بندس لیگا کا تاج اپنے سرسجا لیا، چیمپئن ٹیم نے حریف ورڈر بریمن کوایک صفر سے ہرا کر پوائنٹس ٹیبل پرفیصلہ کن برتری حاصل کی۔بائرن میونخ کی جانب سے پولش اسٹار پلیئر روبرٹ لیونڈوسکی نے گول اسکور کیا جو فیصلہ کن ثابت ہوا، فاتح ٹیم نے مقررہ وقت تک برتری برقرار رکھی۔کورونا وائرس کی وجہ سے چیمپئن ٹیم نے خالی گراؤنڈ میں فتح کاجشن منایا اور ایس او پیز پر عمل پیرا رہے۔دوسری جانب اسپینش لالیگا میں لائنل میسی کی شاندار فارم برقرار ہے، میسی نے پیلنٹی پر گول داغ کر بارسلونا کو کامیابی دلائی۔
Load/Hide Comments
