کوئٹہ (جسارت نیوز) بلوچستان سائیکلنگ ایسوسی ایشن کے زیر اہتمام جشن آزادی کی مناسبت سے سائیکل ریس کا انعقاد کیا گیا، کورونا وائرس کی صورتحال کے بعد ایک عرصے بعد کھیلوں کی سرگرمیاں ایک شاندار آغاز کیا گیا ، سائیکل ریس کا آغاز معروف کاروباری و سماجی شخصیت حاجی میراں جان ترین نے نواںکلی بائی پاس پر کیا اور اس سائیکل ریس کا اختتام ا سپین کاریز پر ہوا۔ سائیکل ریس میں کثیر تعداد میں سائیکل سواروں نے شرکت کی۔ ایاز خان، جان عالم ، انٹرنیشنل سائیکلسٹ حبیب اللہ نے سائیکل ریس میں ججز کے فرائض سر انجام دیئے۔ سائیکل ریس کے نتائج کے مطابق عبدالواحد اول رہے، دوسری پوزیشن محمد بلاک نے حاصل کی، تیسری محمد یاسین، چوتھی اصغر علی، 5ویں رحمت اللہ، چھٹی پوزیشن ثناء اللہ اور خصوصی انعام نوشکی کے کھلاڑی محمد خالد نے حاصل کیا۔ سائیکل ریس کے اختتام پر انعامات کی تقسیم کی تقریب منعقد کی گئی جس کے مہمان خصوصی حاجی میراں جان ترین تھے۔
Load/Hide Comments
