سابق کپتان بوم بوم آفریدی کو پاکستان کرکٹ بورڈ میں اہم عہدہ ملنے کا امکان ہے۔
شاہد خان آفریدی پاکستان کرکٹ کے لیے ذمہ داریاں نبھانے کے لیے تیار ہیں ان کی حکومتی شخصیات سے ملاقاتیں ہوئی ہیں اور امکان یہی ہے کہ پی سی بی میں آفریدی کو اہم عہدہ دیا جائے گا۔
نجی ٹی وی نے اپنے ذرائع کے حوالے سے بتایا کہ پی سی بی میں شاہد آفریدی کی انٹری ہونے والی اور اس سلسلے میں حکومتی اور پی سی بی شخصیات کے مابین باز گشت جاری ہے۔
شاہد خان آفریدی نے فی الحال اس حوالے کوئی تبصرہ کرنے سے معذرت کی ہے تاہم توقع ہے کہ جلد ہی ان کی تقرری کے حوالے سے پیش رفت سامنے آئے گی۔
اس سے قبل 26 جولائی کو شاہد آفریدی نے وزیر کھیل پنجاب رائے تیمور خان سے ملاقات کی تھی جس میں انہیں پنجاب اسپورٹس بورڈ میں اعلیٰ عہدے کی پیشکش کی گئی تھی۔