کورونا کے باعث انگلینڈ اور جنوبی افریقہ کے درمیان کھیلی جانے والی سیریز منسوخ ہونے کے بعد سری لنکا نے بھی دورہ جنوبی افریقہ کے لیے خدشات کا اظہار کردیا.
سری لنکا کرکٹ بورڈ کے مطابق جنوبی افریقہ میں کورونا صورتحال کا جائزہ لے رہے ہیں،سری لنکا کرکٹ ٹیم کو رواں ماہ 18 دسمبر کو جنوبی افریقہ کا دورہ کرنا ہے جس میں جنوبی افریقہ اور سری لنکن ٹیم کو دو ٹیسٹ میچ کھیلنے ہیں.
دوسری جانب انگلینڈ اور پروٹیز کے درمیان جاری سیریز کو طبی بنیادوں کے باعث منسوخ کردیا گیا ہے جبکہ سیریز کے بقیہ میچز کا اعلان جلد کیا جائے گا.
واضح رہے کہ دنیا بھرمیں پھیلنے والا جان لیوا کورونا وائرس سے 6 کروڑ 79 لاکھ 38 ہزار 995 افراد متاثر، 15 لاکھ 50 ہزار 263 افراد جان کی بازی ہارگئے جبکہ کورونا وائرس سے متاثرہ 4 کروڑ 70 لاکھ 23 ہزار 575 افراد صحت یاب ہوچکے ہیں۔