کینبرا(جسارت نیوز)پاکستانی کرکٹر دلبر حسین نے بگ بیش لیگ میں اچھا آغاز کرتے ہوئے اپنی ٹیم میلبورن اسٹارز کی جیت میں اہم کردار ادا کیا۔تفصیلات کے مطابق کینبرا میں کھیلے گئے بگ بیش لیگ کے دوسرے میچ میں میلبورن اسٹارز کی طرف سے کھیلنے والے دلبر حسین نے شاندار بولنگ کا مظاہرہ کرتے ہوئے 4 اوورز میں 25 رنز دے کر 2 کھلاڑیوں کو لگاتار گیند پر آئوٹ کیا۔ دلبر حسین کی اچھی بولنگ کے باعث برسبین ہیٹ مقررہ اوورز میں 125 رنز ہی بنا سکی اور میلبورن اسٹار نے مقررہ ہدف صرف 17.1 اوورز میں حاصل کر کے میچ جیت لیا۔