کراچی: شہر میں کوئٹہ کی سمت سے چلنے والی یخ بستہ ہواؤں کے سبب سردی کی شدت برقراررہی ،شمال مشرقی سمت سے 24کلومیٹرفی گھنٹہ کی رفتار سے ہوائیں چلیں اور کم سے کم پارہ 12.5ڈگری سینٹی گریڈ ریکارڈ ہوا۔ نجی ٹی وی کی رپورٹ کے مطابق ملک میں گزشتہ دنوں داخل ہونے والے مغربی سلسلے کی وجہ سے دوسرے روزبھی شہر میں معمول سے قدرے تیزسرد ہوائیں چلیں جن کی زیادہ سے زیادہ رفتار24 کلو میٹر فی گھنٹہ رہی، محکمہ موسمیات کے مطابق اگلے 24سے48گھنٹوں کے دوران ہواؤں کی شدت میں مزید اضافہ متوقع ہے، پیرکو کم سے کم درجہ حرارت 12.5اورزیادہ سے زیادہ 24.4ڈگری ریکارڈکیاگیا۔
محکمہ موسمیات کے مطابق آج(منگل)کو موسم سرداورخشک رہنے جبکہ کم سے کم پارہ 10 سے12 ڈگری کے درمیان رہنے کی توقع ہے۔