بین الاقوامی فیڈریشن برائے فٹ بال ایسوسی ایشن (فیفا) کے صدر نے فٹ بال کھلاڑیوں کو کورونا سے بچاؤ کی ویکسین دینے کی مخالفت کردی۔
فیفا صدر گیانی انفانٹینو نے اپنے بیان میں کہا کہ اولین بنیادوں پر کورونا ویکسین فٹ بال کھلاڑیوں کو نہیں دینے چاہیے۔ میں اس کی حمایت نہیں کرتا۔
گیانی انفانٹینو عالمی ادارہ صحت کے ہمراہ عام لوگوں تک کورونا ویکسین کی رسائی کے لیے کام کر رہے ہیں۔
فیفا صدر نے کہا کہ کھلاڑیوں کے بجائے ان لوگوں کو ویکسین دینی چاہیے جنہیں ضرورت ہے۔ ویکسین کورونا سے متاثر افراد اور ہیلتھ ورکرز کو دینی چاہیے جو دن رات محنت کر رہے ہیں۔
گیانی انفانٹینوکا کہنا ہے کہ مجھے امید ہے اگلے سال قطر میں ہونے والے فٹ بال کے عالمی مقابلے میں شائقین ایک دوسرے کے ساتھ بیٹھے ہوں گے۔
دسمبر 2022 کو قطر میں فٹ بال ولڈ کپ شیڈول ہے جس میں 32 ممالک کی ٹیمیں حصہ لیں گی۔