پاکستان نے حسن علی اور شاہین شاہ آفریدی کی عمدہ باؤلنگ کی بدولت جنوبی افریقہ کو دوسرے ٹیسٹ میچ میں 95 رنز سے شکست دے کر سیریز میں کلین سوئپ کرلیا۔
راولپنڈی میں کھیلے گئے سیریز کے دوسرے اور آخری ٹیسٹ میچ کے پانچویں دن جنوبی افریقہ نے 127 رنز ایک کھلاڑی آؤٹ سے اپنی دوسری نامکمل اننگز دوبارہ شروع کی تو وین ڈر ڈوسن اور مرکرم وکٹ پر موجود تھے۔
حسن علی نے عمدہ باؤلنگ کرتے ہوئے پاکستان کے لیے دن کا آغاز یادگار بنا دیا اور دن کی تیسری ہی گیند پر 48 رنز بنانے والے ڈوسن کی وکٹیں بکھیر دیں۔
جنوبی افریقی ٹیم اس ناکامی سے سنبھلی بھی نہ تھی کہ پورے دورے میں ناکامی سے دوچار ہونے والے فاف ڈیو پلیسی اس مرتبہ بھی صرف 5 رنز بنا کر حسن علی کی ہی وکٹ بن گئے۔
Good morning! we are off to a good start.
Watch #PAKvSA Live: https://t.co/JDojbzmfIr#HarHaalMainCricket #BackTheBoysInGreen pic.twitter.com/8Io9OMcD5e— Pakistan Cricket (@TheRealPCB) February 8, 2021
135 رنز پر 3 وکٹیں گرنے کے بعد ایسا محسوس ہوتا تھا کہ شاید جنوبی افریقی ٹیم سنبھل نہ سکے لیکن مرکرم اور ٹیمبا باووما نے عمدہ شراکت قائم کر کے اپنی ٹیم کی جیت کی اُمید پیدا کر دی۔
مرکرم نے عمدہ بیٹنگ کرتے ہوئے ٹیسٹ کرکٹ میں پانچویں سنچری اسکور کی اور وہ باووما کے ساتھ کھانے کے وقفے تک 84 رنز جوڑ چکے تھے۔
دونوں کھلاڑیوں نے ذمے دارانہ بیٹنگ کرنے کے ساتھ ساتھ رنز بنانے کا سلسلہ بھی جاری رکھا اور چوتھی وکٹ کے لیے 106 رنز کی شراکت قائم کر کے اپنی ٹیم کی میچ میں جیت کی اُمیدوں کو روشن کر دیا۔
دونوں کی سنچری پارٹنرشپ مکمل ہوتے ہیں پاکستان کو نئی گیند مل گئی اور نئی گیند سے دوسرے ہی اوور میں حسن علی نے 108 رنز بنانے والے مرکرم کی مزاحمت کا خاتمہ کردیا۔
Wicket number three for @RealHa55an!
Watch #PAKvSA Live: https://t.co/JDojbzmfIr#HarHaalMainCricket #BackTheBoysInGreen pic.twitter.com/d8e6gbkGln
— Pakistan Cricket (@TheRealPCB) February 8, 2021
اگلی ہی گیند پر حسن علی نے جنوبی افریقی کپتان کوئنٹن ڈی کوک کو بھی عمران بٹ کے ہاتھوں کیچ کرا کر ان کی میچ جیتنے کی اُمیدوں پر پانی پھیر دیا۔
Wicket number three for @RealHa55an!
Watch #PAKvSA Live: https://t.co/JDojbzmfIr#HarHaalMainCricket #BackTheBoysInGreen pic.twitter.com/d8e6gbkGln
— Pakistan Cricket (@TheRealPCB) February 8, 2021
باووما نے 61 رنز کی اننگز کھیلی لیکن نئی گیند پر وہ بھی بے بس نظر آئے اور شاہین شاہ آفریدی کو وکٹ دے بیٹھے۔
Edged and taken!
Watch #PAKvSA Live: https://t.co/JDojbzDQzZ#HarHaalMainCricket #BackTheBoysInGreen https://t.co/zdIObjubJH pic.twitter.com/4ECC7rFiQW
— Pakistan Cricket (@TheRealPCB) February 8, 2021
حسن علی نے جیارج لنڈے کو آؤٹ کر کے لگاتار دوسری اننگز میں 5وکٹیں لینے کے ساتھ ساتھ میچ میں 10 وکٹیں بنانے کا کارنامہ انجام دیا۔
Wicket No.10 in the match for @RealHa55an!
Also how good was that catch from @iFaheemAshraf?Watch #PAKvSA Live: https://t.co/JDojbzmfIr#HarHaalMainCricket #BackTheBoysInGreen https://t.co/BPmuplayKT pic.twitter.com/DzjOopUNdJ
— Pakistan Cricket (@TheRealPCB) February 8, 2021
دوسرے اینڈ سے شاہین نے بھی نئی گیند سے فائدہ اٹھاتے ہوئے کیشپ مہاراج اور کگیسو ربادا کو چلتا کردیا۔
یاسر شاہ نے ویان ملڈر کو آؤٹ کر کے جنوبی افریقی اننگز کا خاتمہ کرنے کے ساتھ ساتھ پاکستان کی فتح پر بھی مہر ثبت کردی۔
Pakistan overpower South Africa!!!#PAKvSA | #HarHaalMainCricket | #BackTheBoysInGreen pic.twitter.com/clc8OfJTHL
— Pakistan Cricket (@TheRealPCB) February 8, 2021
پاکستان نے میچ میں 95 رنز سے کامیابی حاصل کرنے کے ساتھ ساتھ سیریز میں بھی 0-2 سے کلین سوئپ مکمل کر لیا۔
پاکستان کی جانب سے دوسری اننگز میں حسن علی نے پانچ اور شاہین شاہ آفریدی نے 4 وکٹیں حاصل کیں۔
حسن علی کو 10 وکٹیں لینے پر میچ کا بہترین کھلاڑی قرار دیا گیا جبکہ محمد رضوان سیریز کے بہترین کھلاڑی قرار پائے۔
یہاں یہ بات قابل ذکر ہے کہ پاکستان نے 2003 کے بعد پہلی مرتبہ جنوبی افریقہ کے خلاف سیریز جیتنے کا اعزاز حاصل کیا ہے۔
واضح رہے کہ پاکستان نے ٹاس جیت کر پہلے بیٹنگ کا فیصلہ کیا تھا اور فہیم اشرف اور بابر اعظم کی نصف سنچریوں کی بدولت پہلی اننگز میں 272 رنز بنائے تھے۔
اس کے جواب میں حسن علی کی پانچ وکٹوں کی عمدہ کارکردگی کے سبب جنوبی افریقہ کی ٹیم پہلی اننگز میں 201 رنز بنا کر آؤٹ ہو گئی تھی اور پاکستان نے پہلی اننگز میں 71 رنز کی برتری حاصل کی تھی۔
دوسری اننگز میں پاکستان کی ٹیم 143 رنز پر 7 وکٹیں کہو چکی تھی لیکن محمد رضوان نے عمدہ سنچری بنا کر پاکستان کو 298 کے مجموعے تک رسائی دلائی تھی اور جنوبی افریقہ کو میچ میں فتح کے لیے 370 رنز کا ہدف دیا تھا۔
یاد رہے کہ پاکستان نے جنوبی افریقہ کو سیریز کے پہلے ٹیسٹ میچ میں 7 وکٹوں سے شکست دے کر 0-1 کی برتری حاصل کی تھی۔
منبع: ڈان نیوز