راولپنڈی (نمائندہ خصوصی)بطور کپتان بابر اعظم اپنی ڈیبیو ٹیسٹ سیریز میں جیتنے والے پاکستان کے پانچویں کپتان بن گئے۔بابراعظم سے قبل سلیم ملک، جاوید میانداد، مشتاق محمد اور فضل محمود بھی بطور کپتان اپنی ڈیبیو ٹیسٹ سیریز جیتے تھے۔خیال رہے کہ پاکستان نے دوسرے ٹیسٹ میچ میں جنوبی افریقا کو 95 رنز سے شکست دے کر دو میچوں پر مشتمل سیریز جیت لی۔پنڈی اسٹیڈیم میں کھیلے جانے والے میچ میں حسن علی اور شاہین شاہ آفریدی کی عمدہ گیند بازی کی بدولت قومی ٹیم نے جنوبی افریقہ کو شکست دی۔پاکستان نے ٹیسٹ کرکٹ کی تاریخ میں پہلی بار سائوتھ افریقا کو وائٹ واش کیا۔