کے ٹو کی پہاڑی پر چار روز سے لاپتہ 3 کوہ پیماؤں کی تلاش کے لیے سب سے بڑے فضائی آپریشن کی تیاری شروع کردی گئی۔
ذرائع ابلاغ کے مطابق کوہ پیما علی سدپارہ اور 2 ساتھیوں کی تلاش کے لیے زمینی سرچ آپریشن موسم کی خراب صورت حال کے باعث معطل کردیا گیا۔
کے ٹو اور بلترو کے علاقے میں موسم کی خرابی کے باعث سرچ آُریشن میں مشکلات کا سامنا ہے۔
ریسکیو ذرائع کے مطابق ریسکیو مشن کے لیے موسم صاف ہونے کا انتظار کر رہے ہیں۔
صوبائی حکومت کا کہنا ہے کہ موسم مناسب رہا تو آج سب سے بڑا فضائی آپریشن کیا جائے گا۔ سی ون تھرٹی طیارے سے کے ٹو کی انتہائی بلندی پر سرچ آپریشن کیا جائے گا۔
تاریخی آپریشن میں علی سدپارہ کے بیٹے ساجد سدپارہ بھی حصہ لیں گے۔