سڈنی(جسارت نیوز)آسٹریلین اوپن میں پہلا بڑا اپ سیٹ ہوگیا، دفاعی چیمپئن امریکا کی صوفیہ کینن، ایسٹونیا کی کایا کینیپی کے ہاتھوں شکست کھا کر ایونٹ سے باہر ہوگئیں۔میلبرن میں جاری ایونٹ کے دوسرے رائونڈ میں ڈیفینڈنگ چیمپئن امریکا کی صوفیہ کنین کا سامنا ایسٹونیا کی کائیا کینیپی سے تھا،میچ میں امریکن پلئیر اپنے روایتی فارم سے بہت دور نظر آئیں اور اسٹونین پلئیر کے ہاتھوں 6-3 اور 6-2 سے شکست کھا کر ایونٹ سے باہر ہوگئیں ۔مینز ایونٹ میں روس کے آندرے روبلو نے تھیاگو مونٹیرو کو 6-4، 6-4 اور7-6 سے ہرا کر تیسرے مرحلے میں جگہ بنالی۔