جنوبی افریقہ نے ڈیوین پریٹوریس کی عمدہ باؤلنگ اور بلے بازوں کی شاندار کارکردگی کی بدولت پاکستان کو دوسرے ٹی20 میچ میں باآسانی 6وکٹوں سے شکست دے دی۔
لاہور کے قذافی اسٹیڈیم میں کھیلے گئے سیریز کے دوسرے میچ میں جنوبی افریقہ نے ٹاس جیت کر پہلے باؤلنگ کا فیصلہ کیا جو بالکل درست ثابت ہوا اور دوسرے ہی اوور میں کپتان بابر اعظم صرف 5رنز بنا کر پویلین لوٹ گئے۔
حیدر علی نے محمد رضوان کے ساتھ مل کر اسکور کو 36 تک پہنچایا جس کے بعد ان کی 10رنز کی اننگز بھی اختتام کو پہنچی جبکہ حسین طلعت پھر ناکامی سے دوچار ہو کر تین رنز بنانے کے بعد چلتے بنے۔
That’s a biggie! 🙌
Watch #PAKvSA Live: https://t.co/dtfdkESNTz#HarHaalMainCricket | #BackTheBoysInGreen pic.twitter.com/Cbc4it4px9
— Pakistan Cricket (@TheRealPCB) February 13, 2021
گزشتہ میچ میں سنچری بنانے والے رضوان نے ایک مرتبہ پھر عمدہ کھیل پیش کرتے ہوئے نصف سنچری مکمل کی اور 41 گیندوں پر 41 رنز بنائے البتہ دوسرے اینڈ سے افتخار نے سست روی ست سے بیٹنگ کی اور انہوں نے 20 رنز بنانے کے لیے 21 گیندوں کا سامنا کیا۔
قومی ٹیم سنچری مکمل ہونے سے کچھ دیر قبل رضوان کی خدمات سے بھی محروم ہو گئی جو 41 گیندوں پر 6 چوکوں اور ایک چھکے کی مدد سے 51 رنز بنانے کے بعد آؤٹ ہو گئے۔
🎯 Five-wicket haul for Dwaine Pretorius!
Watch #PAKvSA Live: https://t.co/JDojbzmfIr#HarHaalMainCricket #BackTheBoysInGreen pic.twitter.com/08ZUb06QRr
— Pakistan Cricket (@TheRealPCB) February 13, 2021
خوشدل شاہ اور فہیم اشرف نے اسکور لو 126 تک پہنچایا جس کے بعد 18 گیندوں پر 15 رنز بنانے والے خوشدل ڈیوین پریٹوریس کی وکٹ بن گئے اور پھر جنوبی افریقی باؤلر نے نواز کو آؤٹ کر کے اپنی پانچویں وکٹ حاصل کی۔
Gun barrel straight!
Watch #PAKvSA Live: https://t.co/JDojbzmfIr#HarHaalMainCricket #BackTheBoysInGreen pic.twitter.com/pf2cz9FMLh
— Pakistan Cricket (@TheRealPCB) February 13, 2021
فہیم اشرف نے اختتامی اوورز میں جارحانہ بیٹنگ کرتے ہوئے پاکستان کی معقول مجموعے تک رسائی میں اہم کردار ادا کیا اور 12 گیندوں پر دو چھکوں اور دو چوکوں کی مدد سے 30رنز بنائے۔
پاکستان نے مقررہ اوورز میں 7 وکٹوں کے نقصان پر 144 رنز بنائے، پریٹوریس پانچ وکٹیں لے کر سب سے کامیاب باؤلر رہے۔
ہدف کے تعاقب میں اننگز کی دوسری ہی گیند پر شاہین شاہ آفریدی نے پاکستان کو کامیابی دلاتے ہوئے جینمین ملان کو چلتا کردیا۔
پاکستان کو دوسری کامیابی کے لیے بھی زیادہ انتظار نہیں کرنا پڑا اور شاہین نے جے جے اسمٹس کو آؤٹ کر کے 21 رنز پر جنوبی افریقہ کو دوسرا نقصان پہنچا۔
اس موقع پر ریزا ہینڈرکس کا ساتھ دینے پائٹ وین بلجون آئے اور دونوں کھلاڑیوں نے 53 گیندوں پر 77 رنز کی شراکت قائم کر کے اپنی ٹیم کی فتح کی بنیاد رکھی۔
98 کے مجموعی اسکور پر 42 رنز بنانے واکے ہینڈرکس کی اننگز کا خاتمہ جبکہ کچھ ہی دیر بعد بلجون بھی 42 ہی رنز بنا کر نواز کی گیند پر انہی کو کیچ دے بیٹھے۔
یکے بعد دیگرے دو وکٹیں گرنے کے بعد پاکستان کی می میں واپسی کی موہوم سی امید پیدا ہوئی لیکن ڈیوڈ ملر اور ہنری کلاسن نے مزید کسی نقصان کے بغیر ہی اپنی ٹیم کو 22 گیندوں قبل ہدف تک رسائی دلا دی، دونوں نے بالترتیب 25 اور 17 رنز بنائے۔
جنوبی افریقہ نے میچ میں 6 وکتوں سے کامیابی حاصل کرنے کے ساتھ ہی سیریز بھی 1-1 سے برابر کردی۔
دونوں ٹیموں کے درمیان سیریز کا فیصلہ کن ٹی20 میچ کل کھیلا جائے گا۔
اس سے قبل جنوبی افریقہ نےدوسرے ٹی20 میچ میں ٹاس جیت کر پاکستان کو پہلے بیٹنگ کی دعوت دی تھی۔
بابر اعظم نے کہا تھا کہ وکٹ اچھی لگ رہی ہے، کوشش ہو گی کہ جتنی ہو سکے پارٹنرشپ لگائیں اور اسکور بورڈ پر اچھا مجموعہ سجائیں۔
#DidYouKnow Mohammad Rizwan is the first 🇵🇰wicketkeeper-batsman to score 50+ score in three consecutive T20I matches.
89 🆚 🇳🇿
104* 🆚 🇿🇦
51 🆚 🇿🇦Watch #PAKvSA Live: https://t.co/dtfdkESNTz#HarHaalMainCricket | #BackTheBoysInGreen pic.twitter.com/BBrLi2AYzZ
— Pakistan Cricket (@TheRealPCB) February 13, 2021
پاکستان نے میچ کے لیے ٹیم میں کوئی تبدیلی نہیں کی اور گزشتہ میچ کی فاتح الیون کو برقرار رکھا۔
دوسری جانب مہمان ٹیم نے اپنی فائنل الیون میں کچھ تبدیلیاں کیں اور گلینٹن اسٹورمن کو ڈیبیو کرایا۔
واضح رہے کہ پاکستان نے جنوبی افریقہ کو پہلے ٹی20 میچ میں شکست دے کر سیریز میں 0-1 کی برتری حاصل کی تھی۔
میچ کے لیے دونوں ٹیمیں ان کھلاڑیوں پر مشتمل تھیں:
پاکستان: بابر اعظم(کپتان)، محمد رضوان، حیدر علی، حسین طلعت، افتخار احمد، خوشدل شاہ، محمد نواز، فہیم اشرف، عثمان قادر، شاہین شاہ آفریدی، حارث رؤف۔
جنوبی افریقہ: ہنری کلاسن(کپتان)، جینمن ملان، ریزا ہینڈرکس، جے جے اسمٹس، پائٹ وین بلجون، ڈیوڈ ملر، ڈیوین پریٹوریس، ایندائل فلکوایو، گلینٹن اسٹورمین، لوتھو سیپاملا، تبریز شمسی۔
منبع: ڈان نیوز