کراچی(اسٹاف رپورٹر)پاکستان سپر لیگ سیزن 6کا آغاز 20فروری سے ہورہا ہے، جس کے لیے کراچی کا نیشنل اسٹیڈیم پی ایس ایل کے رنگ میں رنگ گیا ہے۔پی ایس ایل 6کے لیے کھلاڑیوں کے بینرز اور کٹ آئوٹس اسٹیڈیم میں آویزاں ہیں، اس کے علاوہ تمام ٹیموں کے کپتانوں کے بینرز بھی نیشنل اسٹیڈیم میں آویزاں ہیں۔واضح رہے کہ پی ایس ایل 6 کا آغاز 20 فروری سے کراچی میں ہو گا۔ دوسری طرف کھلاڑیوں نے آئندہ چند روز میں شروع ہونے والے میگا ایونٹ کی تیاری کے لیے پریکٹس کا آغاز کردیا ہے۔