کراچی(اسٹاف رپورٹر )قومی کرکٹ ٹیم کے سینئر بلے باز محمد حفیظ نے کہا ہے کہ لاہور قلندرز کی ٹیم پی ایس ایل 6 میں اچھا آغاز کرے گی’ کھلاڑیوں کے ساتھ اچھی انڈر سٹینڈنگ ہے’ اچھی بات یہ ہے کہ لاہور قلندرز کے پرفارم کرنے والے کھلاڑی تبدیل نہیں ہوئے۔ بدھ کو اپنے ایک انٹرویو میں محمد حفیظ نے کہا کہ گزشتہ سیزن کی فائنلسٹ ٹیم اس سیزن میں بھی اچھا کھیلے گی۔ ہمارے لئے اچھی بات یہ ہے کہ لاہور قلندرز کے پرفارم کرنے والے کھلاڑی تبدیل نہیں ہوئے ہیں۔ انہوں نے کہا کہ کھلاڑیوں کے ساتھ اچھی انڈر سٹینڈنگ ہے اور اعتماد بھی ہے۔ امید ہے کہ پچھلے سال سے بہتر کھیلوں گا۔