راولپنڈی (جسارت نیوز)پی سی بی انڈر 16 نیشنل ون ڈے ٹورنامنٹ کا فائنل آج ناردرن اور سینٹرل پنجاب کی ٹیموں کے مابین پنڈی کرکٹ اسٹیڈیم میں کھیلا جائے گا۔ 5 رائونڈز پر مشتمل ایونٹ میں ناردرن اور سینٹرل پنجاب کی ٹیموں نے سب سے زیادہ چار، چار میچز جیت کر فائنل کیلیے کوالیفائی کیا۔ خیبر پختونخوا کی ٹیم تین میچز جیت کر 6 پوائنٹس کے ساتھ تیسرے نمبر پر رہی، سدرن پنجاب نے 4 پوائنٹس کے ساتھ چوتھی پوزیشن پرقبضہ جمایا۔