پاکستان سپر لیگ (پی ایس ایل) 2021 کے 12 ویں میچ میں اسلام آباد یونائیٹڈ نے کوئٹہ گلیڈی ایٹرز کی جانب سے دیے گئے 157 رنز کے ہدف کو پال اسٹرلنگ کی جارحانہ بیٹنگ کی بدولت 4 وکٹوں کے نقصان پر 17 اوورز میں حاصل کر کے ایونٹ میں تیسری فتح حاصل کرلی۔
قبل ازیں پاکستان سپر لیگ (پی ایس ایل) 2021 کے 12 ویں میچ میں اسلام آباد یونائیٹڈ کے خلاف پہلے بیٹنگ کرتے ہوئے کوئٹہ گلیڈی ایٹرز نے کپتان سرفراز احمد کی نصف سنچری کی بدولت مقررہ 20 اوورز میں 7 وکٹوں پر 156 رنز بنالیے۔
نیشنل اسٹیڈیم کراچی میں کھیلے گئے میچ میں اسلام آباد یونائیٹڈ کے کپتان شاداب خان نے ٹاس جیت کر کوئٹہ گلیڈی ایٹرز کے کپتان سرفراز احمد کو پہلے بیٹنگ کی دعوت دی تو باؤلرز نے بہترین باؤلنگ کا مظاہرہ کیا۔
کوئٹہ گلیڈی ایٹرز نے بیٹنگ کا آغاز کیا تو حسن علی کے پہلے اوور میں صائم ایوب نے ایک چوکے کی مدد سے 5 رنز بنائے لیکن پانچویں گیند پر پال اسٹرلنگ کو کیچ دے دیا۔
Hasan Ali explodes at the start to take the first wicket. 💥 #HBLPSL6 | #MatchDikhao | #IUvQG pic.twitter.com/u1VkaMnuri
— PakistanSuperLeague (@thePSLt20) March 2, 2021
کیمرون ڈیلپورٹ اور فاف ڈیوپلیسی نے جارحانہ انداز میں کھیلنے کی کوشش کی لیکن 21 کے مجموعے پر فہیم اشرف نے ڈیل پورٹ کو آؤٹ کردیا۔
Faheem 🔥 #MatchDikhao l #HBLPSL6 I #IUvQG pic.twitter.com/WPcMzDJ1Io
— PakistanSuperLeague (@thePSLt20) March 2, 2021
گلیڈی ایٹرز کو تیسرا اور بڑا دھچکا حسن علی نے پہنچایا جب ڈیوپلیسی 17 رنز بنا کر آؤٹ ہوئے۔
Whew there was a lot happening in that powerplay. 😅@IsbUnited on top at the moment.#HBLPSL6 | #MatchDikhao | #IUvQG pic.twitter.com/hM63cmvfZ6
— PakistanSuperLeague (@thePSLt20) March 2, 2021
فہیم اشرف نے 41 کے اسکور پر اعظم خان کو بھی آؤٹ کیا جنہوں نے صرف 4 رنز بنائے۔
بین کٹنگ نے کریز پر آتے ہی جارحانہ کھیل کا مظاہرہ کیا لیکن محمد وسیم کی گیند پر ان کا کیچ بھی گرایا گیا، جس کے بعد انہوں نے ایک چھکا بھی لگایا.
First Musa has Cutting dropped off his bowling, then Cutting hits him for six. Cricket can be a cruel game sometimes 😓#HBLPSL6 | #MatchDikhao | #IUvQG pic.twitter.com/h6iMy0H6BE
— PakistanSuperLeague (@thePSLt20) March 2, 2021
اسلام آباد یونائیٹڈ کے کپتان نے 10 ویں اوور کی پانچویں گیند پر خطرناک ثابت ہونے والے کٹنگ کی وکٹ حاصل کی، کٹنگ نے دو چوکوں اور ایک چھکے کی مدد سے 23 رنز بنائے.
What a ripper! @76Shadabkhan on song! #HBLPSL6 | #MatchDikhao | #IUvQG pic.twitter.com/U2oMN9p55l
— PakistanSuperLeague (@thePSLt20) March 2, 2021
کپتان سرفراز احمد نے ٹیم کو بڑے اسکور کی طرف لے جانے کی جدوجہد جاری رکھی اور 4 چھکوں کی مدد سے نصف سنچری مکمل کی۔
سرفراز احمد نے محمد نواز کے ساتھ مل ٹیم کا اسکور 71 رنز سے 134 رنز تک پہنچایا۔
فہیم اشرف نے 54 رنز پر کھیلنے والے گلیڈی ایٹرز کے کپتان کو آؤٹ کردیا، ان کی اننگز میں 3 چوکے اور 4 چھکے شامل تھے۔
زاہد محمود آخری اوور 7 رنز بنا کر آؤٹ ہوئے۔
.@76shadabkhan is a cheat code!#HBLPSL6 | #MatchDikhao | #IUvQG pic.twitter.com/T148ECW5Pz
— PakistanSuperLeague (@thePSLt20) March 2, 2021
محمد نواز نے 29 گیندوں پر ایک چوکے اور ایک چھکے کی مدد سے 31 رنز بنائے۔
And Nawaz delivers! @TeamQuetta get going as the innings heats up#HBLPSL6 | #MatchDikhao | #IUvQG pic.twitter.com/ea8SbbhVCw
— PakistanSuperLeague (@thePSLt20) March 2, 2021
کوئٹہ گلیڈی ایٹرز نے مقررہ اوورز میں 7 وکٹوں پر 156 رنز بنائے۔
اسلام آباد یونائیٹڈ کی جانب سے فہیم اشرف نے سب سے زیادہ 3 وکٹیں حاصل کیں.
Faheem Ashraf was unplayable tonight.#HBLPSL6 | #MatchDikhao | #IUvQG pic.twitter.com/OVueZmOMHS
— PakistanSuperLeague (@thePSLt20) March 2, 2021
پال اسٹرلنگ نے اسلام آباد یونائیٹڈ کے لیے پہلے اوور ایک چھکے اور 2 چوکوں کی مدد سے 14 رنز بٹورے۔
What a Stirling first over for @IsbUnited ✨#HBLPSL6 | #MatchDikhao | #IUvQG pic.twitter.com/o3h7da71Fx
— PakistanSuperLeague (@thePSLt20) March 2, 2021
انہوں نے برق رفتاری سے بیٹنگ کا سلسلہ جاری رکھا اور چوتھے اوور میں ہی ٹیم کی نصف سنچری مکمل کی۔
زاہد محمود نے گلیڈی ایٹرز کو پہلی کامیابی دلائی اور الیکس ہیلز کی وکٹیں اڑا دیں، جنہوں نے 13 گیندوں پر 5 چوکوں کی مدد سے 23 رنز بنائے تھے.
That man Zahid strikes again! 🤩@TeamQuetta clawing their way back.#HBLPSL6 | #MatchDikhao | #IUvQG l @iamzahid23 pic.twitter.com/Ad0yorEwFW
— PakistanSuperLeague (@thePSLt20) March 2, 2021
پال اسٹرلنگ بھی زاہد محمود کا شکار بنے لیکن وہ برق رفتار 56 رنز بنا چکے تھے اور ٹیم کا اسکور 93 رنز تھا۔
اسلام آباد یونائیٹڈ کی تیسری وکٹ 130 رنز پر گری، روحیل نذیر نے شاداب خان کے ساتھ مل کر تسری وکٹ پر 37 رنز کا اضافہ کیا۔
روحیل نذیر 34 رنز بنا کر ڈیل اسٹین کی گیند پر آؤٹ ہوئے۔
.@DaleSteyn62 gets his man 🎣 @TeamQuetta still believe.#HBLPSL6 | #MatchDikhao | #IUvQG pic.twitter.com/nTxlSHaMQ5
— PakistanSuperLeague (@thePSLt20) March 2, 2021
شاداب خان کو فاسٹ باؤلر محمد حسنین نے آؤٹ کیا، جنہوں نے 21 رنز بنائے تھے۔
کوئٹہ گلیڈی ایٹرز نے 17 اوورز میں 4 وکٹوں پر 157 رنز بنا کر میچ 6 وکٹوں سے جیت لیا اور 2 قیمتی پوائنٹس حاصل کر لیے.
آصف علی 16 اور حسین طلعت ایک رن بنا کر ناقابل شکست رہے.
Name: Asif Ali
Occupation: Six hitter#HBLPSL6 | #MatchDikhao | #IUvQG pic.twitter.com/IgUfiijaDZ— PakistanSuperLeague (@thePSLt20) March 2, 2021
فہیم اشرف کو میچ کا بہترین کھلاڑی قرار دیا گیا۔
قبل ازیں شاداب خان نے ٹاس جیتنے کے بعد کہا کہ کوشش کریں گے کہ کم سے کم اسکور پر آؤٹ کریں۔
خیال رہے کہ دونوں ٹیموں کے درمیان یہ میچ کل شیڈول تھا لیکن اسلام آباد یونائیٹڈ کے کھلاڑی فواد احمد کا کورونا ٹیسٹ مثبت آنے کے بعد میچ ملتوی کردیا گیا تھا۔
ایونٹ میں اب تک اسلام آباد یونائیٹڈ 3 میچ کھیل دو میں کامیابی حاصل کرکے 4 پوائنٹس کے ٹیبل پر چوتھے نمبر پر ہے۔
کوئٹہ گلیڈی ایٹرز کی ٹیم تاحال کسی میچ میں فتح کے حصول میں ناکام رہی ہے اورکوئی پوائنٹ حاصل نہیں کرپائی۔
پی ایس ایل کی جانب سے ٹوئٹر میں کہا گیا کہ میچ سے قبل ٹیکنیکل کمیٹی نے اسلام آباد یونائیٹڈ کو اس میچ میں کم ازکم دو غیر ملکی کھلاڑیوں کو شامل کرنے کی اجازت دی تھی،
اسلام آباد یونائیٹڈ کے پاس اس وقت صرف تین غیر ملکی کھلاڑی موجود ہیں۔
میچ کے لیے دونوں ٹیمیں ان کھلاڑیوں پر مشتمل ہیں:
کوئٹہ گلیڈی ایٹرز: سرفراز احمد (کپتان)، فاف ڈیوپلیسی، کیمرون ڈیلپورٹ، اعظم خان، صائم ایوب، بین کٹنگ، محمد نواز، زاہد محمود، ڈیل اسٹین، محمد حسنین، نسیم شاہ
اسلام آباد یونائیٹڈ: شاداب خان (کپتان)، پال اسٹرلنگ، روحیل نذیر (وکٹ کیپر)، ایلکس ہیلز، حسین طلعت، آصف علی، افتخار احمد، فہیم اشرف، حسن علی، موسیٰ خان، محمد وسیم
منبع: ڈان نیوز