وزیر اعظم عمران خان آج “کوئی بھوکا نہیں سوئے گا” پروگرام کا آغاز کریں گے۔ نجی ٹی وی کی رپورٹ کے مطابق پاکستان تحریک انصاف کے رہنما فیصل جاوید نے سماجی رابطے کی ویب سائٹ ٹوئٹر پر بتایا کہ وزیراعظم عمران خان نے “کوئی بھوکا نہیں سوئے گا” پروگرام کے عزم کا اظہار کیا تھا۔ آج اس کا باقاعدہ آغاز کریں گے۔
تفصیلات کے مطابق فیصل جاوید نے بتایا کہ اس پروگرام کے تحت موبائل وین کے ذریعے مصروف شاہراہوں اور چوراہوں پر کام کرنے والے دیہاڑی دار مزدور اور غریب افراد کو تازہ اور گرم کھانا فراہم کیا جائے گا۔
فیصل جاوید نے یہ نہیں بتایا کہ پروگرام کا آغاز کہاں سے ہوگا مگر اپنی ٹوئٹ میں انہوں نے لکھا کہ اس پروگرام کو وقت کے ساتھ ساتھ پورے ملک پھیلائیں گے۔