لاہور(نمائندہ خصوصی) کورونا کیسز میں اضافے کے باعث قومی باکسنگ چمپئن شپ ملتوی کردی گئی۔سیکرٹری باکسنگ فیڈریشن ناصر ٹنگ کے مطابق مردوں اور خواتین کی یہ چمپئن شپ اپریل کے پہلے ہفتے میں لاہور میں کھیلی جانی تھی، ایونٹ نہ کرانے کا فیصلہ پنجاب حکومت کی نئی کوویڈ پابندیوں پرکیاگیاہے۔سیکرٹری فیڈریشن کے مطابق کوویڈ صورتحال میں بہتری کے بعد چیمپئن شپ کی نئی تاریخوں کا اعلان کیا جائے گا۔ ایونٹ ملتوی کرنے کے حوالے سے تمام باکسرز اور فیڈریشن سے الحاق رکھنے والے یونٹس کو آگاہ کردیاگیاہے۔واضح رہے کہ یہ دوسری نیشنل چمپئن شپ ہے جو کوویڈ کی وجہ سے ملتوی کی گئی ہے، اس سے پہلے نیشنل کراٹے چیمپئن شپ بھی ملتوی کی گئی ہے جو اپریل میں شیڈول تھی۔